Hoxe, 2 de maio, celébrase o Día Internacional contra o acoso escolar coñecido tamén con Día contra o Bullying.
Trátase dunha campaña de concienciación sobre un problema que afecta a millóns de escolares en todo o mundo.
Asociacións de Padres e numerosas ONG's de todo o mundo acordaron a celebración deste día para concienciar á población sobre as consecuencias que pode causar o acoso entre os escolares así como divulgar diversos métodos para evitar que esta situacións ocurran.
Os nenos ou xóvenes que sufren acoso escolar por parte doutros estudantes ou son testemuñas de situacións de violencia de forma reiterada teñen un menor rendemento académico a curto e a longo prazo. Esta situación pode acentuarse ao longo do tempo e provocar na persoa afectada unha depresión que pode levarlle a non asistir a clase e deixar os estudos.
Dende a nosa biblioteca queremos compartir con vós algunhas lecturas que teñen como obxectivo concienciarnos sobre este tema tan preocupante.
E para os profes deixamos aquí tamén acceso a unha recompilación de recursos para traballar este tema nas aulas. Pincha sobre a imaxe:
Hoxe, primeiro domingo de maio, celebramos o DÍA DA NAI e para celebralo a biblioteca quere compartir con vós esta fermosa selección de libros dedicados ao amor con que nos colman as nosas nais.
E agora despois de ver a cantidade de libros que a Literatura Infantil e Xuvenil dedica as nais, imos disfrutar de algúns destes libros. Parécevos?
O 23 de abril conmemórase o DÍA DO LIBRO. Como este ano caía de sábado, no noso cole decidimos celebralo o venres para elo puxemos en práctica por primeira vez unha experiencia nova: os APADRIÑAMENTOS LECTORES. Foi un momento especial para todos nós. Os Padriños e Madriñas lectores (alumnos de 3º, 4º, 5º e 6º) buscaron o lugar que máis lles gustou por todo o colexio para lerlles ao seus afillaos (alumnos de Infantil, 1º e 2º). E aquí os tedes!! Que ben o pasaron!!
E tamén co gallo da celebración do DÍA DO LIBRO o Equipo de Biblioteca preparou unha Guía de Lectura titulada "Os libros nos libros".
"Os libros, ás veces, fanse unha homenaxe a sí mesmos converténdose nos protagonistas das súas narracións. É coma se os libros dixesen: agora imos falar de nós mesmos: de como nos fan, de quen nos escribe e nos ilustra, dos lectores que nos devoran, de quen nos coida e ordena... Incluso, ás veces, ata deciden mesturar aos personaxes das súas páxinas e colocalos noutras historias para, así, sorprender aos lectores e facernos pensar que aínda hai miles de historias por escribir e as mesmas por ler."
Esta guía axudaravos a coñecer mellor todos estes libros que falan de sí mesmos.
Os rapaces foron agasallados cun MARCAPÁXINAS coa nosa mascota Pumariño para non esquecer nunca a páxina na que estamos do libro que estamos a ler. Se por algunha razón a perdedes podedes descargala de novo aquí, rexistrándovos na páxina de ISSUU.
E para rematar deixámosvos outro pequeno agasallo: trátase dunha curtametraxe que de seguro moitos de vós coñeceredes: "Los fantásticos libros voladores del señor Morris Lessmore"
Inspirado por igual no furacán Katrina, Buster Keaton, o mago de Oz e unha gran pasión polos libros, esta curta dirixida polo autor e ilustrador Willian Joyce e o seu co-director Brandon Oldenburg en 2011 é unha entretida e apaixonante historia das persoas que dedican a súa vida aos libros e a quenes os libros lles devolven o favor. Fala dos poderes curativos dunha boa lectura. A historia xira arredor do amor polos libros, a súa capacidade para iluminar as nosas vidas e o marabilloso que é mergullarse na lectura. Esta curtametraxe gañou unha ducia de premios en festivales de cine, incluindo o Premio do Público no Festival de Cine de Austin, mellor curta de animación no Festival de Cine de Cinequest; e por suposto, o galardón como Mellor Curtametraxe de Animación nos premios Oscar na súa 84ª edición
